తిరుమలకు చేరుకున్న 25 ఎలక్ట్రిక్ బస్సులు

AP TODAY

2 days ago

తిరుమల: తిరుమల తిరుపతి దేవస్థానం పరిధిలో పర్యావరణహిత ప్రజా రవాణాకు మరో అడుగు పడింది. పారిశ్రామికవేత్త అనంత్ అంబానీ విరాళంగా అందించిన 25 ఎలక్ట్రిక్ బస్సులు తిరుమలకు చేరుకున్నాయి.

భక్తుల రాకపోకలను మరింత సౌకర్యవంతంగా మార్చడంతో పాటు కాలుష్యాన్ని తగ్గించడమే లక్ష్యంగా ఎలక్ట్రిక్ బస్సులను వినియోగించనున్నట్లు సమాచారం.

ఈ బస్సులతో పాటు వాటిని నడిపే డ్రైవర్లకు సంబంధించిన ఏర్పాట్లు, ఛార్జింగ్ మౌలిక వసతులకు కూడా సహకారం అందించినట్లు సమాచారం.

తిరుమలలో ప్రతిరోజూ వేలాది మంది భక్తులు రాకపోకలు సాగిస్తుంటారు. ఈ నేపథ్యంలో ఎలక్ట్రిక్ బస్సుల వినియోగం ద్వారా ప్రజా రవాణాలో ఇంధన వ్యయాన్ని తగ్గించడంతో పాటు పర్యావరణ పరిరక్షణకు కూడా దోహదపడే అవకాశం ఉంది.

తిరుమలలో పర్యావరణ పరిరక్షణకు టీటీడీ ఇప్పటికే పలు చర్యలు చేపడుతోంది. ఎలక్ట్రిక్ వాహనాల వినియోగం పెరగడం కూడా ఆ దిశలో మరో ముఖ్యమైన చర్యగా భావిస్తున్నారు.

భక్తులకు మెరుగైన రవాణా సౌకర్యాలు అందించేందుకు ఈ బస్సులను అవసరమైన మార్గాల్లో వినియోగించనున్నారు.

Published By : Nataraj Cherukuri