ఆనందపురం: పుట్టినరోజు వేడుకల్లో చోటుచేసుకున్న వివాదం కత్తిపోటుకు దారితీసింది.ఆనందపురం మండలం గండిగుండం పరిదిలోని ఓ ప్రైవేట్ రిసార్ట్లో యువకుడిపై దాడి చేసిన నిందితుడిని ఆనందపురం పోలీసులు అరెస్ట్ చేశారు. 14 రోజులు రిమాండ్ విధించిన న్యాయస్థానం.
పోలీసుల కధనం ప్రకారం...రిసార్ట్లో బ్యూటీషియన్ అన్నపూర్ణ పుట్టినరోజు వేడుకల్లో ఎర్ర చరణ్ తేజ్ అనే యువకుడు దేవిక అనే యువతిని ఏడిపించడంతో వెంకట దినేష్ అనే యువకుడు అడ్డుకొని చరణ్తో గొడవపడ్డాడు.ఈ నేపధ్యంలో చరణ్ దినేష్ పై కత్తితో దాడి చేసి తన ఎడమ చేతిని గాయపరిచాడు,గాయపడిన దినేష్ ను అక్కడివారు వెంటనే వైజాగ్ విమ్స్ ఆసుపత్రికి తరలించారు.
భాదితుడి ఫిర్యాదు మేరకు పోలీసులు కేసు నమోదు చేసి ,సీసీ టీవీ ఆధారం గా ప్రత్యక్ష సాక్షిలను విచారించి చరణ్ ని అదుపులోకి తీసుకున్నారు.
భీమునిపట్నం 15వ అదనపు జ్యుడిషియల్ మెజిస్ట్రేట్ కోర్టులో హాజరుపరచగా న్యాయస్థానం 14 రోజుల రిమాండ్ విధించింది
