మధురవాడ: జీవీఎంసీ 9వ వార్డు కార్పొరేటర్ అభ్యర్థిగా నాగోతి రూపా కుమారి పోటీ చేస్తున్నారు. ఈ సందర్భంగా ఆమె మాట్లాడుతూ, గత రెండేళ్లుగా కూటమి ప్రభుత్వ హయాంలో పిల్లా వెంకట్రావు చేపట్టిన అభివృద్ధి కార్యక్రమాల తరహాలోనే తాను కూడా వార్డును అభివృద్ధి చేస్తానని హామీ ఇచ్చారు.
వార్డులో ప్రజలు ఎదుర్కొంటున్న సమస్యలను గుర్తించి, వాటి పరిష్కారానికి కృషి చేస్తానని తెలిపారు. ప్రజలకు అవసరమైన మౌలిక సదుపాయాలు కల్పిస్తూ, అభివృద్ధి కార్యక్రమాలను కొనసాగిస్తానని పేర్కొన్నారు. ప్రజల నమ్మకాన్ని నిలబెట్టుకుంటూ, వార్డును అన్ని రంగాల్లో ముందుకు తీసుకెళ్లడమే తన లక్ష్యమని నాగోతి రూపా కుమారి వెల్లడించారు.
ప్రజలకు ఇచ్చిన హామీలను నెరవేర్చాలి
మాజీ కార్పొరేటర్ పిల్లా వెంకట్రావు మాట్లాడుతూ, గత ప్రభుత్వ హయాంలో మూడు సంవత్సరాల పాటు అనేక ఇబ్బందులు ఎదురైనప్పటికీ, ప్రజల కోసం పలు అభివృద్ధి కార్యక్రమాలు చేపట్టేందుకు కృషి చేశానని తెలిపారు. కూటమి ప్రభుత్వం అధికారంలోకి వచ్చిన తర్వాత అనేక సంక్షేమ పథకాలతో పాటు అభివృద్ధి కార్యక్రమాలను కూడా సాధించగలిగానని పేర్కొన్నారు.
ప్రజలకు ఇచ్చిన మాట ప్రకారం అభివృద్ధి కార్యక్రమాలన్నీ కొనసాగించి, వారి సమస్యల పరిష్కారానికి నాగోతి రూపా కుమారి కృషి చేయాలని ఆకాంక్షించారు. రానున్న ఎన్నికల్లో ఆమెను 2,000 ఓట్ల మెజార్టీతో గెలిపించాలని వార్డు ప్రజలకు విజ్ఞప్తి చేశారు.
ఈ కార్యక్రమంలో టిడిపి నాయకుడు టేకు బుడి నర్సింగరావు నాగోతి సత్యనారాయణ జపాన్ బిజెపి నాయకుడు శ్రీనివాస్దేవరావు జనసేన నాయకులు టీడీపీ అధ్యక్షుడు కానూరి అచ్యుతరావు మొదలైన వారు పాల్గొన్నారు
