గ్రేటర్ మహా విశాఖ నగరపాలక సంస్థ (జీవీఎంసీ) 73వ వార్డు వైఎస్సార్‌సీపీ అభ్యర్థి దొడ్డి కిరణ్ ఆదివారం వెస్ట్ జోన్ కార్యాలయంలో నామినేషన్ దాఖలు చేశారు. సుమారు 100 బైక్‌లతో భారీ ర్యాలీగా వెస్ట్ జోన్ కార్యాలయానికి చేరుకున్న ఆయన తన నామినేషన్ పత్రాలను సమర్పించారు. ఈ కార్యక్రమంలో పెద్ద ఎత్తున పార్టీ కార్యకర్తలు, నాయకులు పాల్గొన్నారు.
ఈ సందర్భంగా దొడ్డి కిరణ్ మాట్లాడుతూ.. దశాబ్దాల కాలంగా వార్డు ప్రజలతో కలిసి ఉంటూ, వారి సమస్యలను నేరుగా తెలుసుకుంటూ వాటి పరిష్కారానికి కృషి చేస్తున్నానని తెలిపారు. వార్డు అభివృద్ధి కోసం నిరంతరం పనిచేస్తున్నానని పేర్కొన్నారు. ప్రజలతో తనకు ఉన్న అనుబంధం, వార్డు అభివృద్ధికి తాను చేస్తున్న కృషిని ఈ సందర్భంగా వివరించారు.
ఇదే సమయంలో కూటమి ప్రభుత్వంపై దొడ్డి కిరణ్ విమర్శలు చేశారు. ఎన్నికల సమయంలో ఇచ్చిన హామీలను నెరవేర్చకుండా ప్రజలను మోసం చేసిందని ఆయన ఆరోపించారు. రానున్న ఎన్నికల్లో తాను అత్యధిక మెజార్టీతో ఘన విజయం సాధిస్తానని ధీమా వ్యక్తం చేశారు.
దొడ్డి కిరణ్ నామినేషన్ కార్యక్రమం సందర్భంగా నిర్వహించిన బైక్ ర్యాలీలో పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.
