నక్కపల్లి, అక్టోబర్ 6: 16 ఏళ్లుగా పోలీసులకు చిక్కకుండా పరారీలో ఉన్న ఎన్‌బీడబ్ల్యూ నిందితుడిని నక్కపల్లి పోలీసులు అరెస్ట్ చేసి రిమాండ్‌కు తరలించారు.
అనకాపల్లి జిల్లా ఎస్పీ తుహిన్ సిన్హా ఐపీఎస్ ఆదేశాల మేరకు నర్సీపట్నం డీఎస్పీ పోతిరెడ్డి శ్రీనివాసరావు సూచనలతో, సీఐ మురళి పర్యవేక్షణలో ఎస్సై సన్నీ బాబు, సిబ్బంది ప్రత్యేక నిఘా ఏర్పాటు చేసి నిందితుడిని అదుపులోకి తీసుకున్నారు.
నక్కపల్లి పోలీస్ స్టేషన్ క్రైమ్ నంబర్ 107/2010, IPC 498(A), 3, 4 DP యాక్ట్ కేసులో A-3 నిందితుడిగా ఉన్న దేవర అప్పారావుపై నాన్ బెయిలబుల్ వారంట్ జారీ అయింది. గత 16 ఏళ్లుగా అతడు పరారీలో ఉండటంతో కేసులో ఛార్జ్‌షీట్‌ను కూడా అబ్స్కాండింగ్‌గా దాఖలు చేశారు.
ఇటీవల మరోసారి కోర్టు నుంచి NBW జారీ కావడంతో పోలీసులు ప్రత్యేక గాలింపు చేపట్టారు. పక్కా సమాచారంతో సోమవారం దేవర అప్పారావును అరెస్ట్ చేశారు. అనంతరం ఎలమంచిలి AJFCM కోర్టులో హాజరుపరచగా న్యాయస్థానం జ్యుడీషియల్ రిమాండ్ విధించింది.
దీర్ఘకాలంగా పెండింగ్‌లో ఉన్న NBWను అమలు చేసి నిందితుడిని పట్టుకున్న ఎస్సై సన్నీ బాబు, పోలీసు సిబ్బందిని ఉన్నతాధికారులు అభినందించారు.
